អាស៊ាន តិចណូ បង្កើតឡើងដោយស្ថាបនិកពីររូបដែលមានគោដៅ និងឆន្ទៈតែមួយ គឺជាអ្នកជំនាញរៀបចំ និងថែរក្សាប្រព័ន្ធសុវត្ថិភាពដោយប្រើប្រាស់ឧបករណ៍អេឡិចត្រូនិកបំពាក់ដោយបច្ចេកវិទ្យាទំនើប និង ឆ្លាតវៃ សម្រាប់គេហដ្ឋាន ទីតាំងអាជីវកម្ម និងស្ថាប័ននានា។ ពួកយើងខិតខំយ៉ាងមុតនាំដើម្បីក្លាយជាក្រុមបច្ចេកវិទ្យាថ្មីបំផុតមួយនៅក្នុងប្រទេស។ ក្រុមការងាររបស់យើងខ្នះខ្នែងត្រួសត្រាយផ្លូវក្នុងការនាំយកភាពជឿនលឿននៃបច្ចេកវិទ្យាមកកាន់ប្រទេស និងប្រជាជនកម្ពុជា។ ពួកយើងក៏ផ្ដល់សេវាកម្មជួសជុលកុំព្យូទ័រ និងគ្រឿងបរិក្ខា ប្រកបដោយជំនាញនិងទំនុកចិត្តខ្ពស់ ដើម្បីឆ្លើយតបទៅនឹងបញ្ហាបច្ចេកវិទ្យាផ្សេងៗរបស់អតិថិជន។

បេសកកម្មរបស់យើងចាប់ផ្ដើមឡើងដោយការស្វែងយល់ពីតម្រូវការរបស់អតិថិជនអោយបានគ្រប់ជ្រុងជ្រោយ តាមរយៈកិច្ចខិតខំប្រឹងប្រែងស្រាវជ្រាវ និងអភិវឌ្ឍន៍គម្រោងយ៉ាងម៉ត់ចត់ ដើម្បីធានាថាដំណោះស្រាយរបស់យើងនៅតែបន្តឈានមុខគេក្នុងវិស័យបច្ចេកវិទ្យាសុវត្ថិភាព។ ការប្តេជ្ញាចិត្តរបស់យើងទៅកាន់អតិថិជន គឺការបត់បែនតាមបំណងពួកគាត់ និងការពិគ្រោះយោបល់ ដែលអាចអនុញ្ញាតឱ្យយើងងាយស្រួលក្នុងការផ្តល់ជូនកញ្ចប់សេវាកម្ម និងផលិតផលដែលបំពេញតាមទំហំគម្រោង និងតម្រូវការពិសេសរបស់អតិថិជនម្នាក់ៗ ហើយពួកយើង ក៏ផ្តល់ការយកចិត្តទុកដាក់ខ្លាំងទៅលើការបណ្តុះបណ្តាលដល់អតិថិជន និងបុគ្គលិករបស់យើងអំពីការប្រើប្រាស់ និងចំណេះដឹងពាក់ព័ន្ធនានា ដើម្បីអោយប្រាកដថា​ប្រព័ន្ធសុវត្ថិភាពរបស់យើងត្រូវបានប្រើប្រាស់ដោយភាពងាយស្រួល និងមានប្រសិទ្ធិភាព។

ការចូលរួមក្នុងសហគមន៍ និងការថែរក្សាបរិស្ថាន ក៏ជាផ្នែកមួយសំខាន់នៃបេសកកម្មរបស់យើងដែរ ដោយសារយើងខិតខំមិនត្រឹមតែការពារអតិថិជនរបស់យើងប៉ុណ្ណោះទេ ប៉ុន្តែពួកយើងក៏ផ្ដល់ការបណ្ដុះបណ្ដាលជំនាញផ្សេងៗដែលទាក់ទងនឹងបច្ចេកវិទ្យា ការសហការជាមួយអង្គការក្រៅរដ្ឋាភិបាល ការរក្សានូវនិរន្តភាពរវាងប្រព័ន្ធសុវត្ថិភាព​និងបរិស្ថាន ការប្រើប្រាស់បច្ចេកវិទ្យាដែលសន្សំសំចៃភ្លើង និងមិនប៉ះពាល់ខ្លាំងដល់បរិស្ថានជាដើម។ ការធ្វើកំណែរទម្រង់ជាប្រចាំ និងទទួលយកមតិរិះគន់ គឺជាយន្តការមួយដែលជួយពួកយើងនៅតែបន្ដឈានមុខគេក្នុងវិស័យបច្ចេកវិទ្យា និងជួយលើកកម្ពស់ចក្ខុវិស័យរបស់យើងក្នុងការផ្តល់នូវដំណោះស្រាយបញ្ហាសុវត្ថិភាពដែលមិនអាចប្រៀបផ្ទឹមបាន។